Motivatorlar

Jasur Jumayev — 1984-yilda Toshkent viloyatida tug‘ilgan. U somon san’ati ustasi, badiiy foto rassom va jamoat arbobi. U hozirgi kunda Kamoliddin Behzod nomidagi Milliy rassomlik va dizayn instituti dotsenti sifatida yoshlarga ta’lim berib kelmoqda, shu bilan birga “Hunarmand” uyushmasi va O‘zbekiston Badiiy akademiyasi a’zosi hisoblanadi. U O‘zbekiston Respublikasi Oliy Majlisi Qonunchilik palatasi deputati hamda Matonat maktabi motivatori sifatida jamiyat hayotida faol ishtirok etib kelmoqda.

Anvar Gafurov — 1976-yilda Andijon viloyatida tug‘ilgan, videomontaj ustasi va «SHOH STUDIO» video-foto studiyasi asoschisi hisoblanadi. U bugungi kunda o‘z studiyasi faoliyatini rivojlantirish bilan birga, yosh shogirdlar tayyorlash va ularga amaliy ko‘nikmalar berish orqali sohaning yangi avlodini tarbiyalab kelmoqda. Shuningdek, Andijon shahridagi “Imkoniyatlar olami”da nogironligi bo‘lgan shaxslarga kompyuter saboqlari berib, ularning bilim va ko‘nikmalarini oshirishga hissa qo‘shmoqda. Anvar Gafurov Matonat maktabi motivatori sifatida ham faoliyat yuritib, aholining ijtimoiy ehtiyojmand qatlamlarini qo‘llab-quvvatlash va ularni ruhlantirishga qaratilgan tashabbuslari bilan alohida e’tiborga loyiq.

Asila Mirzayorova — 1999 yilda Qashqadaryo viloyatida tug‘ilgan, para yengil atletika bo‘yicha O‘zbekiston terma jamoasining yetakchi a’zolaridan biri hisoblanadi. U uzunlikka sakrash yo‘nalishida jahon chempioni, Para Osiyo hamda Paralimpiya o‘yinlari g‘olibi sifatida yurtimiz sport sharafini yuksak darajada himoya qilib kelmoqda. Asila Mirzayorova “O‘zbekiston Respublikasida xizmat ko‘rsatgan sportchi” va “O‘zbekiston iftixori” faxriy unvonlari sohibi bo‘lib, o‘zining yutuqlari va matonati bilan ko‘plab yoshlar uchun ibrat namunasiga aylangan. Shuningdek, u Matonat maktabi motivatori sifatida aholining ijtimoiy ehtiyojmand qatlamlarini qo‘llab-quvvatlash va ularni ruhlantirishga qaratilgan faoliyati bilan ham alohida e’tiborga loyiq.

Asad Toshtemirov — 2002 yilda Toshkent viloyatida tug‘ilgan, para taekvondo bo‘yicha O‘zbekiston terma jamoasining iqtidorli a’zolaridan biri hisoblanadi. U jahon chempioni hamda Parij-2024 yozgi Paralimpiya o‘yinlari g‘olibi sifatida xalqaro maydonda yurtimiz sharafini munosib himoya qilib kelmoqda. Asad Toshtemirov “O‘zbekiston iftixori” faxriy unvoni sohibi bo‘lib, o‘zining qat’iyati va sportdagi yuksak natijalari bilan yoshlar uchun ilhom manbai bo‘lib xizmat qilmoqda. Shuningdek, u Matonat maktabi motivatori sifatida ham jamiyat hayotida faol ishtirok etib, aholining ijtimoiy ehtiyojmand qatlamlarini qo‘llab-quvvatlash va ularni ruhlantirishga o‘z hissasini qo‘shmoqda.

Barno Narzullayeva — 1991 yilda Jizzax viloyatida tug‘ilgan, sopol laganlarga biser orqali bezak berish san’ati ustasi va miniatyura rassomi sifatida tanilgan ijodkor. U ayni paytda Gʻallaorol tuman Xalq deputatlari kengashi deputati hamda Jizzax shahar «Hududiy ijtimoiy xizmatlar markazi» rahbari sifatida ijtimoiy hayotda faol ishtirok etmoqda. Barno Narzullayeva “Hunarmand” uyushmasi a’zosi bo‘lib, xotin-qizlarni ish bilan ta’minlash va “ustoz–shogird” an’anasi asosida hunar o‘rgatish orqali milliy hunarmandchilikni rivojlantirib kelmoqda. U “Jasorat” medali sohibi bo‘lib, ijtimoiy va inklyuziv loyihalar muallifi hamda Matonat maktabi motivatori sifatida jamiyatga munosib hissa qo‘shib kelmoqda.

Yorqin Odilov - 2000 yil Farg‘ona viloyatida tug‘ilgan, para yengil atletika bo‘yicha O‘zbekiston terma jamoasi a’zosi hisoblanadi. U nayza uloqtirish yo‘nalishida jahon chempioni va Para Osiyo sovrindori hamda Paralimpiya o‘yinlari g‘olibi sifatida yurtimiz sport sharafini yuksak darajada himoya qilib kelmoqda. Yorqin Odilov “Shuhrat” medali va “O‘zbekiston iftixori” faxriy unvoni sohibi bo‘lib, o‘zining yutuqlari va matonati bilan ko‘plab yoshlar uchun ibrat namunasiga aylangan. U Matonat maktabi motivatori sifatida ham faol ishtirok etib, aholining ijtimoiy ehtiyojmand qatlamlarini qo‘llab-quvvatlash va ularni ruhlantirishga o‘z hissasini qo‘shmoqda.

Murodjon Xoljigitov — 1995 yilda Sirdaryo viloyatida tug‘ilgan, kino va teatr aktiyori, para sportchi. Aravachada qilichbozlik bo‘yicha O‘zbekiston terma jamoasi a’zosi, "O‘zbekiston Belgisi" ko‘krak nishoni sohibi. U xozirgi kunda Guliston Olimpiya va paralimpia sport turlariga tayyorlash markazida aravachada qilichbozlik sport turi bo‘yicha murabbiy sifatida faoliyat yuritib kelmoqda. bilan taqdirlangan. Murodjon Xoljigitov Matonat maktabi motivatori sifatida ham faol ishtirok etib, aholining ijtimoiy ehtiyojmand qatlamlarini qo‘llab-quvvatlash va ularni ruhlantirishga o‘z hissasini qo‘shmoqda. U ijtimoiy tarmoqlardagi motivasion bloglari orqali ko‘plab yoshlar uchun ibrat namunasiga aylangan.

Nurxon Qurbonova - 1994 yil Namangan viloyatida tug‘ilgan, para yengil atletika bo‘yicha O‘zbekiston terma jamoasi a’zosi hisoblanadi. U nayza uloqtirish yo‘nalishida jahon chempioni, Para Osiyo hamda Paralimpiya o‘yinlari g‘olibi sifatida yurtimiz sport sharafini yuksak darajada himoya qilib kelmoqda. Nurxon Qurbonova “O‘zbekiston Respublikasida xizmat ko‘rsatgan sportchi” va “O‘zbekiston iftixori” faxriy unvonlari sohibi bo‘lib, o‘zining yutuqlari va matonati bilan ko‘plab yoshlar uchun ibrat namunasiga aylangan. U Matonat maktabi motivatori sifatida ham faol ishtirok etib, aholining ijtimoiy ehtiyojmand qatlamlarini qo‘llab-quvvatlash va ularni ruhlantirishga o‘z hissasini qo‘shmoqda.

Abdulaziz Xayrullayev — 2001 yilda Toshkent shahrida tug‘ilgan, adaptiv sport sohasida faoliyat yurituvchi mutaxassis, para suzish bo‘yicha O‘zbekiston chempioni hisoblanadi. Ayni vaqtda u O‘zbekiston Adaptiv sport assosiatsiyasida bosh mutaxassis sifatida faoliyat yuritib, adaptiv sportni rivojlantirish, inklyuziv muhitni kengaytirish hamda nogironligi bo‘lgan shaxslarni qo‘llab-quvvatlashga hissa qo‘shmoqda. Shuningdek, u «Matonat» maktabi motivatori sifatida yoshlar va ehtiyojmand insonlarni ruhlantirish, ularni o‘z imkoniyatlariga ishonishga undash yo‘lida faol ishtirok etmoqda. Uning hayot yo‘li, matonati va erishgan yutuqlari ko‘plab yoshlar uchun ilhom va ibrat manbai bo‘lib xizmat qilmoqda.